1. ZOOL. Ehun eta organotan antolatu gabeko gorputza duen animalia ornogabe eta sesila. Gorputza poro, kanal eta barrunbez osatuta dagoen sistema konplexu batez zeharkaturik dago eta bertan ura mugiarazten duten zelula flagelatuak daude. Urak daramatzan partikulak iragaziz elikatzen dira. Gehienak itsastarrak dira eta Porifera filuma osatzen dute. 2. Delako animaliaren gorputza, garbiketan erabiltzen dena; material sintetikoz egindako kideko objektua.
Latest Updates: B RSS
-
belaki
Maite
-
betegintzarre
Maite
iz. Betegina (izond. Hutsik, akatsik gabea, hobetzerik ez dagoena) denaren nolakotasuna eta egoera. (Harluxet Hiztegi Entziklopedikoa)
Sinonimoak: perfekzio, hobezintasun, osotasun, perfektasun (Adorez Sinonimoen Hiztegia)
es perfección, plenitud
fr perfection, plénitude
en perfection, fullnessDohatsutasuna, hortaz, betegintzarre osoa, dagoen guztia ulertzeaz batera maitatzea da, xede eder bezain bakan eta zaila; baina merezi omen du. [Errua eta maitasuna, Markos Zapiain (Elkar, 2002)] (Ereduzko Prosa Gaur)
-
butxatu
Maite
da/du ad. Bide edo hodi batean oztopo bat gertatu edo jarri, handik igarotzea eragotzi edo zailtzen duena. (Harluxet Hiztegi Entziklopedikoa)
Sinonimoak: (1) idoiztatu, lohitu, lohiztatu, zikindu (2) ataskatu, intsugitu (3) itsutu, poxelatu, zarratu (4) eragotzi, oztopatu, traba egin, trabatu (5) hertsi, itxi (Adorez Sinonimoen Hiztegia)
es obstruir, cerrar el paso
fr boucher, obstruer
en to block, to obstructIsiltasuna trinkotzen ari zela iruditu zitzaiguan, kito txoriak, kito haizea, kito lurraren intziri sorra, denbora butxatu eta fusilamendurako lekua egiten zuelako sentipena. [Lorategi beldurgarriak, Michel Quint / Josu Zabaleta (Erein, 2003)] (Ereduzko Prosa Gaur)
-
bakantza
Maite
iz. Ipar. (askotan pl.) Lanean edo ikasketetan egiten den aldi baterako geraldia, oporra. Bakantzak hartu eta Suitzara joateko asmoa dugu. (Harluxet Hiztegi Entziklopedikoa)
Sinonimoak: [oporrak] opor pl., oporketa, oporraldi, bakazio Heg. (UZEIren Sinonimoen Hiztegia)
es vacación
fr les vacances
en vacation, holidayIk. Olerkiaren konposizio grafikoa .pdf formatuan
Gabonetan alegrantza,
soldata eta bakantza,
Urte Berriz esperantza.
Ikuskizun ederra da
aza artean buzkantza.Aza artean buzkantza,
Gabonetan alegrantza,
soldata eta bakantza,
Urte Berriz esperantza.Aingeruen alabantza,
koba santuan maitantza,
zeru-lurren aliantza.
Usadio polita da
belen jartzeko usantza.Belen jartzeko usantza,
aingeruen alabantza,
koba santuan maitantza,
zeru-lurren aliantza.Zeru-lurren aliantza,
koba santuan maitantza,
aingeruen alabantza,
belen jartzeko usantza,
aza artean buzkantza.Aza artean buzkantza,
Gabonetan alegrantza,
soldata eta bakantza.
Urte Berriz esperantza.[Gabonetan alegrantza 1, Bitoriano Gandiaga
(Paulo Agirrebaltzategiren edizio kritikoa, Gipuzkoako Foru Aldundiak diruz lagundua] -
burko
Maite
iz. Ohearen burualdean, ohe-zuraren kontra, burua gainean jartzeko ipintzen den zaku-moduko biguna eta betea. Burkotzat harri gogor bat zuen. (Harluxet Hiztegi Entziklopedikoa)
Sinonimoak: [bururdia] buruki, bururdi, oheburuko, burukita Ipar., belarrondoko g.e., buruko g.e., aburdiko Bizk. zah. (UZEIren Sinonimoen Hiztegia)
es almohada
fr traversin
en pillow
(Elhuyar hiztegia)Ateak sartzeko ala irteteko dira?, esadazu
maite duguna zergatik sutsitzen musuz musu
bihotz bakoitzak bi galdera ikur ezkutatzen ditu
bi bihotzek lau, eta hiruk…Bakardadeak gauez ohean bortxatzen gaitu
burkoak amesgaitz eta dudaz ereiten ditu
maitasuna eta desioa elkarrekin oheratuz
elkar jaten duten arrain bi direla ahaztuzGaltzeko beldurrez eusten diogu elkarri
ozeano erdian hiltzen gara egarriz
gu, elkar jaten duten arrain biAteak, Anari