Updates from admin RSS

• 

  babarrun

  Maite 7:50 am on 2012/01/17 | 1 Permalink | Reply
  

  iz. 1. Leguminosoen familiako baratze-landare belarkara eta urterokoa, fruitutzat giltzurrun-antzeko haziak dituen lekak ematen dituena; lekak (aletu aurretik) nahiz haziak (ihartuz gero) jateko onak dira (Phaseolus vulgaris). 2. Delako landarearen hazia. Babarrun zuriak, gorriak, beltzak, nabarrak, luzeak, pikartak, motzak. (Harluxet Hiztegi Entziklopedikoa)

  Sinonimoak: iz.
  [banabarra] baba, mailar, indaba Bizk., ilar Ipar./Naf., banabar Naf., indirar Bizk. g.e. (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):
  

  es alubia, judía (Phaseolus vulgaris)
  fr haricot
  en bean; kidney bean, haricot (bean)

  Bihar arratsaldean bertan, mendi aldean trenbide ondoan sua egin nahi baduzu egin dezakezu: oinak lur hotzean iltzaturik dituzula babarrun batzuek berotu lata batean, trenak nola alde egiten duen so eginez. [Piano gainean gosaltzen, Harkaitz Cano] (Ereduzko Prosa Gaur)

  

  babarrun (CC, @FiloBlogia)

   

  Reply Click here to cancel reply.

  Name (required)

  Email (required)

  Web Site

   
• 

  txankulu

  Maite 9:55 am on 2012/01/02 | 0 Permalink | Reply
  

  iz. 1. Zurezko pieza bat hustuz egiten den oinetakoa, hainbat lurraldetako baserritarrek erabiltzen dutena. Egun, zola zurezkoa izanik, gainontzekoa larruzkoa izan dezakete.  (Harluxet Hiztegi Entziklopedikoan ‘eskalapoi’ begiratuta.)

  Sinonimoak: iz.
  [kalotxa] kalotx, txokolo, kloska Ipar., eskalapoi

  Beste hizkuntza batzuetan (Elhuyar Hiztegia):
  

  es zueco, chanclo
  fr sabot, galoche
  en clog

  Gure mutikotan ate onduan egoten zien txankuluak. Elexp Berg. (Orotariko Euskal Hiztegia)

  
  Argazkiak.org | Txankuluak © cc-by-sa: Luistxo.F

   
• 

  arol

  Maite 10:26 am on 2011/12/29 | 8 Permalink | Reply
  Tags: A (141)

  izond. Barnean hutsune edo barrunbe asko duena, trinkoa ez dena, harroa. Zuhaitz arola. • hezur arol. ANAT. Umetokia plakazko edo hodizko sare batean antolatuta duen hezur-mota, tarteko guneak mintzez beteta dituena. || kafe arol. Kafe urtsua. (Harluxet Hiztegi Entziklopedikoa)

  Sinonimoak: izond.
  [harroa] astin, harro, apotz Bizk. (UZEIren Sinonimoen Hiztegia)
  Bergarako Euskara: (bergarakoeuskara.net)

  aról. 1. arol, aróla. (d). adjektiboa. I. Ahula.   Fofo, -a, hinchado, -a, poroso, -a, de poca fuerza, densidad o consistencia. I aiz personia arola. Baita gaixotasunezko gizen faltsuez edo barrutik usteldutako arbolez ere. Gutxi erabilia. Ik. ául. 2. arol, aróla. (d). adjektiboa. Ahoberoa eta zoro samarra. Gutxi erabilia.

  1. arol, aróla. (d). adjektiboa. I. Ahula.   Fofo, -a, hinchado, -a, poroso, -a, de poca fuerza, densidad o consistencia. I aiz personia arola. Baita gaixotasunezko gizen faltsuez edo barrutik usteldutako arbolez ere. Gutxi erabilia. Ik. ául.

  2. arol, aróla. (d). adjektiboa. Ahoberoa eta zoro samarra. Gutxi erabilia.

  Beste hizkuntza batzuetan (Elhuyar Hiztegia):
  

  es (1) poroso, -a, esponjoso, -a; endeble, fofo, -a (2) (kafea) aguado, flojo (3) (Anat.) esponjoso, -a
  fr poreux, -euse ; spongieux, -euse
  en spongy

  Hi haiz hi pertsona arola!

   
• 

  gorreri

  Maite 1:09 pm on 2011/11/11 | 0 Permalink | Reply
  Tags: G (54)

  iz. Entzuteko gaitasuna ahultzea. (Harluxet Hiztegi Entziklopedikoa)

  Sinonimoak: iz.
  [gortasuna] elkortasun Ipar., gortasun g.e. (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):

  es sordera
  fr surdité
  en deafness

  Gorreria apur bat makaldu eta entendimendua berreskuratu nuelarik, jauzi zalu batez buruz behera jarri eta baserriko kare zurizko hormaren kontra paratu nintzen, buruz behera, neukan beso bakarraren gainean. [Neguko Zirkua, Harkaitz Cano (Susa, 2005)] (Ereduzko Prosa Gaur)

   
• 

  urteurren

  Maite 7:15 am on 2011/10/27 | 0 Permalink | Reply
  Tags: U (24)

  iz. Gertakari batetik urte-kopuru jakin bat iragan den urte edo eguna. (Harluxet Hiztegi Entziklopedikoa)

  Sinonimoak: iz.
  [urteburua] urtemuga, urteburu Ipar., urtegarren g.e. (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):
  

  es aniversario
  fr anniversaire
  en anniversary

  Egunek abiadura bizian egiten dute aurrera, eta ia-ia ohartu gabe iritsi zaigu Gaurko Hitzaren 3. urteurrena ospatzeko ordua. Iaz laguntza eskatu nuen ekimenaren 2. urteurrena ospatzeko: nork bere gustuko hitza aukeratu, bideo bat atondu eta youtube-ra igo. Zalantzarik gabe, arrakastatsua eta emankorra izan zen eskea; izan ere, denon artean 84 bideo/hitz grabatzea lortu baikenituen. Gaurko hitzaren kanalean dituzue denak ikusgai.

  Aurten, eskatu beharrean, eman egin nahi nuke; eta, horretarako, lagun batzuekin batera, topaketa bat antolatu dut. Gaurko Hitzaren lagunak eta, batez ere, iaz zuen denbora eskuzabaltasunez eskaini zeniguten guztiak gurekin egotea eta ospatzea nahi genuke.

  Ekitaldian, besteak beste, Anarik, Euzkitzek, ‘Fastfatum’ Igor Calzadak, Harkaitz Canok, Iban Del Campok, Imanol Murua Uriak eta Patxi Huarte ‘Zaldieroa’-k hartuko dute parte. Koldo Martinezek aurkezpen lanak egingo ditu. Amaitzean, solaserako aukera izango dugu, zizka-mizka batzuen laguntzaz.

  Laburtzeko:

  • Ekitaldia: Gaurko Hitzaren 3. urteurrena ospatzeko topaketa.
  • Noiz: azaroaren 2an, iluntzeko 19:30ean,
  • Non: Donostian, DOKAn (bertako Kafe Antzokian).

  Etortzeko asmoa baduzue, eskertuko nizueke baiezkoa ematea galdeketa honetan izen-abizenak emanez.

  Amaitzeko, eskerrak eman nahi dizkiet Doka Kafe Antzokiko lagunei, alde batetik, euren txokoa gure eskura ipintzeagatik. Bestetik, Kixkurreri, zizka-mizkarako jaki guztiengatik; izan ere, dastatzeko aukera izango dugun jangai guztiak beraiek emandako Goerriko produktuak izango baitira.  (Maite Goñi)