Jul
29
AHOZKO PROBA
ZERTAN DATZA?
Bi atal ditu:
1. Entzutezko Ulermena
- Grabazio zati batzuk entzun eta horiei buruzko galderak erantzun behar dira.
- Grabazio zati bakoitza behin entzungo da eta horiek entzun baino lehen, azterketariek denbora tarte bat izango dute galderak eta erantzunak irakurtzeko.
- Ordu erdiko ariketa izango da.
- 20 item izango dira gutxienez.
2. Mintzamena.
- Atal honek bi ariketa ditu: lehenengoa, gai baten ahozko azalpena; bigarrena, bat-bateko elkarrizketa saioa.
- Epaimahaia bi aztertzailek osatzen dute. Azterketariak binaka sartuko dira epaimahaiaren aurrera.
a) Gai baten ahozko azalpena.
- Azterketari bakoitzak gai bati buruzko informazioa jasoko du. Euskarria testu idatzia, audioa edota bideoa izan daiteke.
- Azterketari bakoitzak berari egokitu zaion informazioaren azalpena egin beharko du bost bat minututan.
b) Bat-bateko elkarrizketa saioa.
- Aztertzaileek gai bat eskainiko diete azterketariei, baina bakoitzari gaiaren alderdi batzuk nabarmenduta.
- Azterketariak elkarrizketan arituko dira, egokitu zaien ikuspuntuaren alde egiteko. Tarteka, elkarrizketa edo eztabaida bideratzeko, aztertzaileek parte hartu ahal izango dute, galderak eginez.
- Azterketariak, bien artean, hamar bat minutuz arituko dira.
7 Comments
Make A CommentComments RSS Feed TrackBack URL
October 6th, 2008 at 8:48 am
[...] ATALKA JARDUNv ATARIKO PROBA v BERRIDAZKETAK v SINONIMOAK v AHOZKOAREN ULERMENA v IRAKURMENA v IDAZLANA v AHOZKOA [...]
December 1st, 2010 at 8:42 pm
Galderatxo bat, hau publiko baten aurrean egin behar izango da?
December 1st, 2010 at 11:02 pm
Kaixo, Ander! Ez, ahozko azterketa beste azterketari batekin egiten da, bi aztertzaileren aurrean. Beraz, gehienera jota, beste hiru pertsona izan ohi da azterketan. Zorte on!
May 25th, 2011 at 8:34 pm
Kaixo Maite,
Nafarroan egiten den azterketa berdina da? Eskerrik asko
May 25th, 2011 at 9:06 pm
Kaixo, Iratxe!
Ba, egia esateko, ez dakit. Guk erabiltzen ditugun ereduak, liburuak, azterketa… EAEkoak dira. Batzuek esaten dute errazagoak direla Nafarroakoak, baina ezin dut ziurtatu hori. Ea bakarren batek irakurtzen duen zure galdera eta erantzuten digun…
May 26th, 2011 at 12:31 pm
Eta bat-bateko elkarrizketa prestatzeko denbora horretan (aldeko eta kontrako argudioak)bi azterketariek batera egoteko eukera izango al dute? Beti izaten baita errazago aldez aurretik berarekin pixka bat ideiak eta ordenak zehaztea.
May 27th, 2011 at 1:14 pm
keba, hori bai lenotikan beste testua prestatzeko aukera dakazula komentatuye ta or biyan arten itzeitia komeni dala batak bestiai erantzuteko moduko argudiyo errexak erabilikoituzuela ta ola esateko, bestiai izorratzen ibili gabe