Jakintzako DBH eta Batxilergoko ikasleek Ordiziako Udaleko Euskara zerbitzuak gazteei zuzendutako ‘Hutsuneak bete’ II. komiki lehiaketan parte hartu zuten duela aste pare bat. Sariak aste honetan banatu dira; horien arabera, ezin ukatu gure ikasleak komikilari finak direnik.

Aurkeztutako komiki-istorioak epaitu dituen Dani Fano komikilariak lanak izan ditu komikien artean batzuk aukeratzen. Ezustekoa hartu du, komiki-istorioak oso-oso onak iruditu zaizkiolako!

Dani Fano bera izan zen sari-banaketan, epaiaren gainekoak komentatzen eta sariak banatzen. Lehiaketa hau bi mailatan banatu da: A Maila (DBH 2. zikloa) eta B Maila (Batxilergoa).

Hauek dira gazte saridunak eta saritutako lanak:

A mailan

• DBH4. 1. saria: Ama kontratatu!, Jon Hernandez Lekuona (Oianguren)
• DBH4. 2. saria: Ai ama!, Irati Otamendi Urbiztondo (Jakintza)
• DBH4. Aipamen berezia: Ratatata!, Mikel Alejo Barcina (Oianguren)

B mailan

• Batxilergoa. 1. saria: Erroketa baten sekantearen frakzioak arratoi bat humanizatu zuenekoa, Beñat Irastorza Ugalde (Jakintza)
• Batxilergoa. 2. saria: Komunetik behera, Haritz Altzola Mujika (Jakintza)
• Batxilergoa. Aipamen berezia: 10 emakumea, Garazi Otegi Etxezarreta (Jakintza)

Zorionak guztiei!!!

B mailako komiki irabazlea (egin klik irudiaren gainean neurri handian ikuseko):