Jane en: 
Dominic en: 
Maite en: 
olaia en: 
iesnal en: 
irune.agirre en: 
bertol en: 
Ivan en: 
mr. potato en: 
Bake biderako hauteskundeak?
Artikulu hau idazterakoan zalantza izan dut galdera-ikurra ipintzerakoan. Ez nioke jarri nahi, baina, zoritxarrez, ez dut beste aukerarik. Ikurra kentzeko aukera izango nuke benetan bake gosez antolaturiko hauteskundeak balira, baina tamalez oraingo honetan ere ez da horrelakorik. Ez dago bake goserik, baina bai botere nahia, borroka giroa, adierazpen askatasun mugatua… Bide horri jarraiki, nire uste apalean, ezin eskura genezake bakerik hauteskundeetan.
Oraingoan ez dut bozka emango, adin txikikoa bainaiz. Eta egia esan… ezta gogorik ere. Nahiago etxean geratu, hausnartu, gogoeta egin… Azken egunotan asko hitz egin da. Hitz asko esan dira. Haizeak daramatza ele horiek guztiak, eleak soberan daude, ele horien balioa egiaztatzen duten ekintzak dira falta zaizkigunak, haizeak eraman ezin ditzakeen ekimenak. Hori horrela gertatzen ez den bitartean, ezin izan daitezke bakerako hauteskundeak.
Bere ideologia inposatzea besterik ez duenak buruan eta besteei mendekua eta kaltea opa dienak alferrik erabiliko du bake hitza. Litekeena da bake hitzak bakoitzaren baitan esanahi ezberdina izatea, batzuen kasuan besteren batekin nahastuz, ingurukoen interesei zein beharrizanei begiratu gabe norbanakoak atsegin duen guztia eskuratzea nahi duena, definizio honekin hiztegian agertzen den hitzarekin, bakea lortzeko erabiltzen duten ohiko metodoarekin, berekoikeriarekin. Bake hitza ahoskatu aurretik jakin dezatela, borroka, zein edozein egoera istilutsuren gabezia dela hiztegian ele honentzat agertzen den definizioa, beti ere Euskaltzaindiak baimenduta. 
Eta bakezale kontsideratzen diren horientzat hona hemen galdera: zer da zuentzat bakearen alde borrokatzea? Euskal Herri osoa erakunde terrorista batekin lotu eta, egoera hori aitzakiatzat hartuta, inolako gupidarik gabe zigortu nahiz zapaltzea? Edo indarkeriaren bidez, jomugak bitartekoak justifikatuko balitu bezala, edonola jokatzea? Hori al da bakerako bidea?
Hauteskunde hauetan, baina, ez da ikusten bakea lortzeko xederik. Elkarri gaizki esaka eta borrokan aritzea bada eskaintzen diguten bakea… guk ez dugu horrelakorik nahi. Elkarri entzuteak, elkar ulertzeak, pausoak emateak, errespetatzeak… horrek guztiak hurbilduko gintuzke bake bidera, egun, utopiatzat dugun benetako bakera.
Hauteskunde hauetan posible ez bada ere, etorkizunean bakea posible izango dela sinetsi nahi dut, eta sinesten dut, eta sinetsi nahi dut badagoela bakea egin nahi duenik. Bakea egin nahi duten horien hitzetan, haizeak eraman ditzakeen eta tamalez daramatzan hitz horietan, sinetsi nahi dut … nahi dut, baina ezin dut. Ezin sinets nezake demokrazia eta bakearen gisako hitzekin jolasten duten pertsona horien hitzetan. Benetako bake gosea duten pertsonak iritsiko ahal dira!
Ametsetan jarraitu behar, ametsak beteko diren esperantzaz, bake izeneko amets horretan murgilduz, amets horretatik esnatu gabe, bake ametsean, bake gosez… Bake biderako hauteskunde ametsean, bake biderako hauteskunde gosean, herritarron hitza noizbait errespetatuko delakoan, askatasun osoz erabakitzeko aukerarekin…M-9koak bake biderako hauteskundeak izango al dira? M-9koak bake biderako hauteskundeak izango ahal dira! Herriak du hitza… Herriak izango ahal du hitza!
Bozka eman, ez eman, ohiko alderdiari bozkatu, abstentziora jo… Datorren iganderako oraindik ere duda-mudan bazarete, hona hemen zenbait alderdi politikoren ingururuko ideia islatzen duten estekak zerbaitetan lagun zaitzaten. Beraz, interesik baduzue, egin klik.
EAE-ANV: “Euskal Herriak Independentzia. ABSTENTZIOA”- Aralar: “ Ezkerra berri, ezker aberri”
- Ezker Batua Berdea: “ Erre k erre, errepublika!”
- EA: “Herriaren ahotsa”
- EAJ-PNV: “ Euskadin bizi naiz ni. Eta zu, non bizi zara?”
- PSOE: “Vota con todas tus fuerzas”
- PP: “Con Cabeza y corazón”
2008-mar-07, 21:02
“Bere ideologia inposatzea besterik ez duenak buruan eta besteei mendekua eta kaltea opa dienak alferrik erabiliko du bake hitza.”
Garbi dago Euskal Herrian, ETA eta bere akolito koldarrak hori egiten duten bakarrak direla.
“bakezale kontsideratzen diren horientzat hona hemen galdera: zer da zuentzat bakearen alde borrokatzea? Euskal Herri osoa erakunde terrorista batekin lotu eta, egoera hori aitzakiatzat hartuta, inolako gupidarik gabe zigortu nahiz zapaltzea? Edo indarkeriaren bidez, jomugak bitartekoak justifikatuko balitu bezala, edonola jokatzea? Hori al da bakerako bidea?”
Zalantzarik gabe, gaur Arrasaten gertatutako hilketa basatia ez da bakea eta ezer gutxi laguntzen du bakea lortzeko bidean.
Bukatzeko, ez etorri gehiago herriaren elkartasuna eskatuz ezker abertzaleak pairatzen duen egoerarengatik, gaurko atentatuaren aurrean, gatazkaren adierazpen gordin bat besterik ez dela esan ondoren.
ETAk azken 40 urteetan (hemen ere Francorekin antza handia) eraildako guztientzat nire besarkadarik beroena.
2008-mar-08, 11:42
Nazkatuta ezizenez idatzi duzun horri gauzatxo bat edo beste argitu nahi nizuke. Uste dut artikuluak benetan islatu nahi duena ez duzula ulertu. Artikulu honek bi extremoei egiten die kritika.
“… besteei mendekua eta kaltea opa dienak alferrik erabiliko du bake hitza.” diodanean, bi aldeei egiten diet erreferentzia, batak tortura erabiltzen duelako eta besteak, bonbak (Arrasaten gertatutakoa barne).
“bakezale kontsideratzen diren horientzat hona hemen galdera: zer da zuentzat bakearen alde borrokatzea? Euskal Herri osoa erakunde terrorista batekin lotu eta, egoera hori aitzakiatzat hartuta, inolako gupidarik gabe zigortu nahiz zapaltzea? Edo indarkeriaren bidez, jomugak bitartekoak justifikatuko balitu bezala, edonola jokatzea? diodanean, lehenengo galdera badakizu nori zuzendua dagoen, hori ondo ulertu duzu, baina bigarrena ETAri zuzendu nahi izan diot, helburu bat lortzeko aproposa ez den bide bat erabiltzen duelakoan bainago.
Uste dut artikulu honek baduela aberasten duen zerbait, eta hori, hain zuzen, izenak ez ipintzean datza, bakoitzari bere erara interpretatzeko aukera emanez.
Besterik gabe, zure gaizki ulertu horiek argitu nahian…
2008-mar-08, 13:34
Zeinen erreza den koldarkerian eta anonimotasunetik hitz egitea! Zure ustez “ETA eta bere akolito koldarrak” izango dira herri honetan ideologia inposatzen dutenak, baina beste behin ere zinismo izugarria da hori. Herri bati hitza ukatu (behin eta berriz ukatu ere) eta aukera politiko bati ateak ixten dizkionak ez al du inposaketarik egiten? Horrek zein izen du bestela? Ez al da mendekua atxilotuei (ikusi Porturen, Lupiañezen edota Sarasolaren kasuak) tortura bortitzak egin eta amaierarik gabeko kartzela zigorrak ezartzea? Ideia politiko batzuk defendatzeagatik ehundaka pertsona kartzelara bidaltzea (18/98 eta Batasuna)?
Guztiz ados zurekin gaurkoak bakea lortzerako bidean ezer gutxi laguntzen duela diozunean, baina, are gutxiago lagundu zuen Loiolako negoziazioetako porrotak, konponbidea hatz puntekin ukitu eta PSOEri “bertigoa” sartu zitzaionean, mahaitik “ordainduko duzue!” esanez.
Garbi dago bakoitzak berea bere aldetik ikusten duela, zuek ez dituzue tortura kasuak salatzen eta ezta karga polizialak ere eta indar errepresiboen jarduna babesten duzue. Ni, berriz, ez naiz behartua ikusten, ez dudalako uste konponbiderako tresna denik, kondena hitzaren logikan sartzera. Hori norberak duen behar morala da, eta nik herri honen hitza bahitua den artean ez dut behar hori. Hala ere, zuek ez zarete gai torturatuekiko elkartasuna adierazteko, ezta gatazkaren ondorio dela esateko ere. Gatazkak alde guztietan ditu ondorioak, eta egunotan entzugo ditugun kondena adierazpen guzti horiek ez dute askorako balioko aurrerapauso ausartik ematen ez den bitartean. Nire elkartasuna Isaiasen familiari. Ea behingoz ohartzen diren herriari hitza ematea dela irtenbidea!
2008-mar-08, 13:42
Barkatu Ihintza, baina gatazka honetan ez dago epelkeriekin ibiltzerik. Ematen du batzuek eta besteek berdin jokatzen dutela eta hori ez da horrela, inondik inora.
ETAko basapizti hauek jendea akabatzen dituzten bitartean, ezin ditugu arazoak parekatu. Hori egin ezean, hauxe da geldituko zaigun Euskal Herria: http://www.berria.info/umorea.php?izena=zaldieroa.jpg&karpeta=2008-03-08
Bestalde, oso gune eta eztabaida interesgarriak sortzen ari dira eta hemen jarriko ditut batzuk:
http://sustatu.com/1204894057#erantzunak
http://www.blogak.com/jozulin/notimeforliberationarmies
http://www.blogak.com/donotsaveme/don-t-save-me-thanks
2008-mar-08, 13:52
Nazkatuago dagoenarentzat:
Lasai, ez naiz zuen eztabaida antzu horretan sartuko. Betikoa da.
Kondenen gaiak ez nau kezkatzen, bai, ordea, “iluminatu” batzuek gu salbatu nahi izanak. Horrek sutan jartzeaz gain, “akojonatu” egiten nau.
2008-mar-08, 16:20
Ez, noski. “ETAko basapizti” hauek jendea akabatzen duten bitartean “legearen” izenean jarduten dutenek torturatzeak ez zaitu ardura. Ezta dispertsioaren ondorioz hildakoek ere. Ezta kartzelan ideologia jakin bat izateagatik daudenek ere. Eta nola izango dira bada martxoaren 3ko biktimak terrorismoaren biktimak! Horiek besteetakoak dira, nazkarrietakoak!
Benetan esango dizut, zuek nazka ematen didazue. Eta herri honek pena, zuek biktimen inguruan egingo duzuen erabilera politikoa penagarria baita. Argi dago zuk, PSOEk eta PNVk bezala, ez duzula gatazkaren muinari heltzeko inongo interesik ez asmorik. Jakin baitakizu horixe dela konponbidea eta benetan herri honi hitza eta bakea emango dion bide bakarra, elkarrizketa eta akordioa.
2008-mar-08, 17:30
Are nazkatuagok dioenez, zenbaitzuk kartzelan daude ideologia jakin bat edukitzeagatik. Baina ETA da pertsonak ideologia jakin bat izateagatik hiltzen duena.
2008-mar-08, 19:48
Esaiok hori Nati Junkori, Roberto Saizi, GALek hildakoei, Igor Angulori…
2008-mar-08, 23:19
Are nazkatuago dagoenarentzat:
Hildakoen zerrenda ateratzen badugu… Hobe isilik bazaude.
Nork esan dizu ETAren basakeriak salatzeak tortura ez salatzea dakarrenik? Mundu mailan, torturaren aurka lan gehien egiten duen erakundekoa naiz eta guk tortura guztiak salatu eta horiekin amaitzeko lana egiten dugu. Hemen, Euskal Herrian, berriz, gutxi batzuk (zu sartu beharko zaitut talde horretan?) torturaren aurkako bandera altxatzen duten bitartean, ETAk eginiko astakeriak ospatzen ari dira.
Tortura, dispertsioa, errepresioa… eta nahi duzun guztia salagarriak izanik, Batasunakoek erakusten duten jarrera harroputz horrengatik, salaketak sinesgarritasun guztia galtzen du.
Nola sinetsiko dizuegu zuen torturaren salaketa, atentatuen aurrean erakusten duzuen jarrera koldar horrekin?
Herri honen hitza bahituta dagoela diozu, eta niri galdera bat datorkit burura: nork bahitzen du nor? Datu guztien arabera, herri honen %5a da ETAren jarduna “justifikatzen” duena. Gainontzekoak argi eta garbi ETAri gelditzeko eskatzen diogu.
Akaso Paris eta Madril dira herri honi kasu egin behar dioten bakarrak? ETA guztion gainetik al dago? ETAk eta bere ingurukoek ez al diote herri honi kasu egin behar?
Tira, ez nuen bozkatzeko asmorik, baina oraintxe bertan ohera noa bihar goizean ETAren aurkako botua ematera joateko.
Ah, eta herri honen nazka iristen lortzen ari den mailarekin, nik uste dut presoak kartzelan usteldu daitezela eskatzera iritsiko dela. Horixe izango de herri honen borondatea. Tamalez, horixe da lortzen ari zaretena.
2008-mar-09, 0:11
Ez nuke nahi inork pentsatzerik ni ados nagoela Isaíasen hilketarekin, ezta gutxiagorik ere. Baina, ikusten dudana da askok eta askok atentatoa gaitzetxi eta ez dutela aurrera begirako pausorik emateko borondaterik. Ez diet politikari horiei proposamen baliozkorik ikusten gatazka konponbidean jartzeko. Argi dago ETAk ez duela herria ordezkatzen, eta ez duela gatazka konponduko, baina nik uste dut gatazkaren ondorioa dela. Horrexegatik joan beharko ginateke zuzenean gatazkaren muinera, gatazkarekin bat desagertuko bailitzateke ETA nere ustez.
Ez dakit zertan oinarritzen zaren Batasunakoen jarrera harroputza dela esateko, eta ezta horrek sinesgarritasuna zergatik kentzen dion ere, baina Batasunari atentatua gaitzesteko eskatzen badiozue, guztiz salagarria izanda, ez ote zenukete zuek ere eredu eman beharko eta torturak, ilegalizazioak etab. salatu? Ez al dira eskubide guztiak babestu behar? Ni behintzat eskubide guztiak bermatuta egongo liratekeen egoera baten alde nago, denonak, eta herriari hitza ematearen alde, mugarik gabe eta indarkeriarik gabe. Bildur naiz espainiar estatuan agintean denak eta berdin Frantzian inoiz hori onartuko ote duen…
Hildakoen zerrendari beste asko gehitu genezazkioke, ez soilik azken hamarkadetan hildakoak, herri hau 5 mendez egon baita okupaziopean.
2008-mar-09, 12:16
Aupa Ihintza! Ikusten dut sekulako polemika sortu duzula zure artikulu honekin. Neutrala izan zarela iruditzen zait eta hortik aurrera jendeak pentsa dezala nahi duena…Besterik gabe aiow!
2008-mar-09, 12:39
Are nazkatuago dagoenaentzat (eta bukatzen dut):
“Ikusi nahi ez duen itsua baino okerragorik ez” dio esaera zahar batek.
Hona hemen, zure ikuspegia zabaltzeko aukera polit bat:
http://www.berria.info/umorea.php?izena=zaldieroa.jpg&karpeta=2008-03-09
http://www.berria.info/testua_ikusi.php?saila=harian&data=2008-03-08&orria=005&kont=004
http://www.berria.info/testua_ikusi.php?saila=harian&data=2008-03-08&orria=008&kont=004
http://www.berria.info/testua_ikusi.php?saila=iritzia&data=2008-03-08&orria=010&kont=008
http://www.berria.info/testua_ikusi.php?saila=iritzia&data=2008-03-08&orria=011&kont=004
http://www.berria.info/testua_ikusi.php?saila=iritzia&data=2008-03-08&orria=011&kont=005
http://www.berria.info/testua_ikusi.php?saila=harian&data=2008-03-08&orria=009&kont=006
http://www.berria.info/testua_ikusi.php?saila=plaza&data=2008-03-08&orria=050&kont=010
2008-mar-09, 14:49
Horko horietatik gehin gustatu zaidana Martxelorena izan da, nik hemen hasieratik proposatu dudanarekin bat egiten baitu.
Nik argi dut beste gizaseme bat hiltzea ez dela zilegi, baina, horrek ez nau bultzatzen ETAren amaiera besterik gabe eskatzera. Nik entzun nahiko nuke bihar bertan alderdi politiko guztiak (denak!) egoera berdintasunean elkarrizketan hasi direla, ETA gobernuarekin presoen aferaren inguruan eta armen inguruan hizketan ari dela, eta alderdiek akordioa lortzen dutela herritarren hitza guztiz errespetatua izan dadin.
Garbi dago egoera hori uneotan oso urrun dagoela.
Hala ere, ez dut beharrik sentitzen atentatua gaitzesteko, ez gaitzespena eskatu eta zirko mediatiko hori antolatu dutenak tortura ahalbidetu, alderdiak ilegalizatu eta manifestariak jipoitzen dituztenak direnean. Garbi dago alde denek egiten dituztela basakeriak, eta hau horietako bat izan da, espero dezagun hau azken hildakoa eta gaurkoak azken hauteskunde antidemokratikoak izatea. Euskal Herria aurrera!
2008-mar-09, 14:50
Argi dago gaitzesten duzuenato inork ez diola hari politikoari heltzen, konponbidea izan arren. Gaitzespenak edo gaitzespen ezak itsutzen zaituzte.
2008-mar-09, 16:26
Egia esan, Aitzolek esan bezala, artikulu neutral bat egiten saiatu naiz, nire ideologia propioa dudan arren.
Sentitzen dut nire artikuluarekin norbait mindu badut, ez baitzen nire asmoa; izan ere, nik ikusten dudan errealitatea azaltzea zen nire xedea.
Besterik gabe, eskerrikasko zuen iritzia eman duzuen guztioi.
2008-mar-09, 18:00
Aupa denoi!
Azken orduotan eztabaida segitzen aritu naiz, nire iritzia nola azaldu pentsatzen eta. Uste dut argi dagoela atentatua ez dela bakerako pauso bat izan, baina badirudi hori dela egun dugun arazo bakarra, arazoa izan arren. Esan nahi dudana da, eta horretan ados nago are nazkatuagorekin, orain ezker abertzaleari atentatua gaitzesteko eskatu dioten askok hilabete hauetan ez dutela gehiegi egin prozesua salbatu eta gatazka gainditze bidean jartzeko. Irudipena daukat PSOEk eta PNVk eper samar jokatzen dutela tortura eta ilegalizazioekin (eta lehenengoek babestu eta bultzatu ere bai). Ondoren, atentatuak iristean, ezker abertzaleak jaso duen egurraren ondoren, askok eta askok (nik ere bai) enpatia nahiko galdua dugu. Igor Porturen torturaren aurrean aho ireki ez eta poliziaren lana babestu izanak sutan jartzen nau. Baina, era berean, ziur naiz atentatuek sutan jarriko dituztela PSOEko kideak, arrazoi osoz. Badirudi ez garela inoiz gai izango espiral honetatik irteteko, ez behintzat konponbidea lortzeko benetako saiakerak egiten diren arte. Ikasi behar genuke konfrontazioak ez dakarrela ezer onik, ezta neurri polizialek ere. Herri honek behar duena bere hitza errespetatzea da, autodeterminazioa.
2008-mar-09, 18:02
Ahazutu gabe, zorionak zure artikuluagatik. Uste dut bikain islatu duzula egoera.
2008-mar-09, 18:24
Kaixo berriro ere!!
Nazkatua dagoen horrek (izena?) epelkerietan ibiltzeko gaia ez dela esan didazu, hori badakit nik zuk esan gabe ere, eta gustora jakingo nuke zergatik esan didazun.
Artikulua neutralizatu dudalakoan nago, baina aurrez esan bezala, nik nire ideologia propioa daukat, eta uste dut iritsi dela momentua azaltzeko.
Euskal Herrian bizi naiz, euskaldun sentitzen naiz eta ez ditut sekula sostengatuko nire herria eta hizkuntza zapaltzen dituzten horiek. Horrekin ez ditut ETAren ekintzak justifikatuko, baina ulertzekoa da gorroto, inpotentzia horrek zenbaitetan “okerreko” gauzak egitera bultzatzea. ETA desegin nahi dute, baina ez dute pausorik ematen. ETAk su etenari hasiera eman zion, eta zer egin zuen gobernuak? Ezer ere ez. Berriro ere inpotentzia sentimendua, gorrotoa, su etena hautsi eta atentatuen bidea. Berriro ere errepikatuko dut, argi geratu dadin, ez naiz ETAren atentatuen aldekoa, baina ezta torturatzaile, arrazoirik gabeko atxiloketen bultzatzaile eta inposatzaileen aldekoa ere.
Ilegalizazioa ez da bakerako bidea, atentatuak ez dira bakerako bidea, gorrotoa ez da bakerako bidea… zein da bakerako bidea? Bi aldeek pausuak ematea. Ez eskatu ETA eta ezker abertzaleari bakarrik pausuak emateko, zeregin hau Euskal Herri eta Espainia osoarena da.
2008-mar-10, 16:36
Aupa Ihintza! Lehenik eta behin, zorionak zure artikuluagatik.oso ona.Eta Aitzolekin erabat ados nago: ez dut uste artikulu osoan neutraltasunaren bidetik irten zarenik. Gainera, iruzkinetan argi azaltzen saiatu zara. Hortik aurrera gaizki ulertu nahi duenak…