Irlanda edo Éire, gaeleraz, Europako ipar-mendebaldean kokatuta dagoen estatua da. Leku zoragarri ugari daude bertan, horien artean, Moher-eko itsaslabarrak, Erraldoien Zutabeak (gaur egungo zortzigarren miraritzat hartzen direnak), Europako parkerik handienetako bat den Phoenix parkea, bere gazteluak… Eiretarrek esan ohi dute, hauetariko leku zoragarriren bat ikusi gabeko bidaia, ez dela Irlandara egindako bidaia.

Edonola ere, aipatutako tokiez gain, badaude bisitatu beharreko hiriak, esaterako, Dublin (hiriburua), Cork, Galway… eta errugbi zaleentzat Limerick hiria, Munster errugbi taldearen estadioa kokaturik dagoen hiria. Musika zaleentzat ere badago zer entzun eta zer ikusi; izan ere, Irlandatik musika talde onak atera baitira The Corrs eta U2 ospetsuenak aipatzeko.

Batzuek dakitenez, otsailaren 2an Kitmar Ordizia errugbi taldea Irlandara joan zen partidu bat jokatzera Limerick-eko unibertsitatearen aurka. Baina ondo jokatu arren, partidua galdu egin zuten. Dena den, bi taldeen arteko giroa ezin hobea izan zen eta partidua jokatu ondoren, bi taldeak elkarrekin Limerick hiriko pub batera joan ziren Ingalaterra-Irlanda partidua ikustera. Zoritxarrez, Irlandak partidua galdu zuen.

Jarraian Irlandako bideo bat duzue ikusgai, haren edertasunaz goza dezazuen:

Eta hemen gure errugbi taldeak jolastutako partiduaren argazki batzuk (egin klik see more at Tabblon poster osoa ikusi ahal izateko):