Kaixo, lagunak! Zer moduz alfabetoa, zenbakiak, orduak eta ordinalak? Dena garbi dago orain arte? Horixe espero dut. Dena den, ez ahaztu ez dagoela debekatuta zalantzak galdetzea! :wink:

Gaurko saiorako bi arau prestatu dizkizuet (zein baino zein errazagoa):

• Lerroz aldatzean marratxoa nola jarri.
• Bat-batean eta antzekoen idazkera

Prest? Has gaitezen, bada, lehenbailehen luzamendutan ibili gabe!

Lerroz aldatzean marratxoa nola jarri:

Lerroz aldatzean, hitza zatitu beharra dagoenean, hitza silabaka zatitzea gomendatzen da, eta ez morfemaka:

- Gizo-nek,

- Zaku-rra,

- Duzu-en, e.a.

Eta ez gizon-ek, zakurr-a, duzue-n,e.a.

Araua osorik.

Praktika

Bat-batean eta antzeko hainbat hitz:

Honela idatziko dira hitz hauek:

• Bat-batean, bat-bateko, bat-batekotasun…
• Behinik behin
• Batik bat

(Lehenbizikoa marratxoz eta beste biak marra gabe eta bereiz)

Ez erabili beste formarik: bat batean, bapatean, behinik-behin…

Honekin batera, Euskaltzaindiak gogorarazi nahi du esapide hauen ahoskerak betiko legeen arabera egitea ongi dela (batipat, adibidez).

Araua osorik.

Araua praktikatu.

Orain dela hilabete batzuk Peter Cech Chelsea taldeko atezainak garezurra hautsi zuen Premier leagueko partidu batean. Stephen Hunt, Reading taldeko jokalariak, belaunarekin jo zuen bere garezurra eta, ondorioz, ospitalera eraman zuten hiltzeko zorian. Metalezko plaka bat itsatsi zioten bere garezurrean eta sei hilabete baino gehiago beharko ditu berriro ere futbolean jokatzeko. Atezainak ez zituen partiduko zenbait fase gogoratzen. Ospitaletik atera ostean, gogoratzen zuen azkeneko gauza bere kapitainak zelaien zozketa galdu eta zelai osoa zeharkatu behar izana zen. Bere hitzetan:

La última cosa que recuerdo es el intercambio de saludos porque John Terry perdió el sorteo y tuve que correr hacia el otro extremo del campo. Es la última cosa que recuerdo

Jokaldi horren ostean, atezain asko izan dira Ingalaterrako ligan erabiltzen den gehiegizko indarkeriaz kexu izan direnak; batez ere, atezainei egiten zaizkien neurriz kanpoko sarrera gogorrez.

Gai horri buruz gehien eta altuen hitz egin duena Arsenal taldeko Lehmann atezaina izan da ondorengo proposamena lau haizeetara plazaratuz: atezainek jasaten duten arrisku hori ekidin ahal izateko, kasko ezartzeko baimena eskatu zuen.

Segituan sortu ziren sekulako esamesak ikusleen artean eta, noski, goi karguen artean. Beraz, proposamena luzatuta dago eta erantzun horren zain egongo gara astez aste, futbolean jokatzen dugunean, bizia arriskuan jartzen dugunok.

Michael Phelps-ek, 21 urteko igerilari ospetsuak, bere lehenengo agerpena 15 urte zituelarik egin zuen 2000. urteko olinpiadetan. Nahiz eta adinez gaztea izan, ez zuen oztoporik izan bertan parte hartu ahal izateko. Ez zuen dominarik jasotzea lortu, baina bai munduko lehenengo bost onenetarikoen artean egotea, 200 metro tximeleta frogan.

Hortik gutxira, Sidneyen, hain zuzen ere, errekor batzuk hautsi zituen, 15 urteko gizonezkoetan onena bilakatuz. Errekor horietako bat 200 metro tximeleta izan zen 1:54:58 denbora eginez, Fukuokako (Japón) munduko txapelketan.

2004. urtean Atenasen izan ziren olinpiadak. Ordurako irabazita zuen ospea zela eta, Mark Spitz igerilari famatuarekin alderatzen zuen jende guztiak. Mark Spitz bere garaiko igerilaririk ospetsuena zen, 1972. urtean, urrezko zazpi domina irabaztea lortu zuen igerilari bikaina. Phelpsek gauza bera erdiesteko aukera bere esku izan zuen Atenaseko joko olinpikoetan. Ahalegin handiak eginda ere, ez zituen lortu urrezko zazpi domina haiek bere taldeko erreleboak huts egin baitzuen. Erreleboan parte hartu zuten lau taldekideak ez ziren gaizki aritu, hirugarren postu zoragarri bat lortu zuten, baina ez zen aski izan Mark Spitzen ekintza gogoangarria parekatzeko. Hala ere, urte berean bere lehenengo urrea irabazi zuen 400 metro estiloetan, munduko errekor berria 4:08:26an ezarriz.

Interesgarria iruditu bazaizue, hemen klikatuz igerilari aparta honi buruzko informazio gehiago izango duzue.

Besterik gabe, hementxe uzten dizuet aurkitu dudan bideo hau. Ea gustuko duzuen…

Kaixo, lagunok! Aurreko batean, egunkaria hartu eta bertan txundituta utzi ninduen albiste bat irakurri nuen. Idatziak gizakiok hurrengo milurtekoan 120 urteraino biziko garela zioen!!! Sinesten al duzue? Niretzat, sinesgaitza dirudi.

Lehenengo paragrafoak 3000. urtean giza espezieak batez besteko altuera 1,98 izango duela esaten zuen, 120ko bizi itxaropena eta azal beltzaranagoa.

El Diario Vascoko berri honetan, azterketa zientifiko hau Oliver Curry ikerlariak egin duela dio, Londreseko zientifiko eskola baten laguntzaz. Berak dioenez, hurrengo milurtekoan gizakiok 2 metrotara iritsiko gara, nutrizio maila hobea izatean, altuera handitzen joango delako.

Jarraian zioen, janaria murtxikatzeko ahalegin gutxiago egingo dugula gizakiok, kokotsa gero eta forma biribilagoa hartzen joango dela. Aurpegi osoa ere pixkanaka-pixkanaka beste irudi bat hartzen joango da, noski, garapen honen bitartez.

Gizonezko eta emakumezkoen artean ezberdintasun batzuk egiten ditu. Esaten duenez, gizonezkoek aurpegiak simetriko samarrak edukiko dituzte, masailezur karratuagoa eta ahots beteagoa. Emakumeek, berriz, begien tamaina handiagoa izango dute, azalean ile askoz gutxiago eta bular trinkoagoak.

Dena den, aldaketa hauek guztiak zientifiko batek aztertu ditu eta, beti gertatzen den bezala, beste hainbat zientzialarik ikerketa hau zalantzan jarri du; batez ere, bizi-itxaropenaren datua.

Zer pentsatzen duzue, bada, zuek? Ez al da izango aldaketa gehiegi espezie berdina izaten jarrai ahal izateko? Batek daki! Horrenbeste urte falta dira…..

Beno, bada, lagunok, hauxe izan zen horren txundituta utzi ninduen albistea. Ea zuei zer iruditzen zaizuen!

Alejandro Sanz abeslari famatuak bere azken diskoa argitaratu du, El tren de los momentos. CD honetan izen handiko artistek parte hartu dute, hala nola, Shakira eta Juanes kolonbiarrek, Calle 13k eta, azkenik, Maná taldearen bateria den Alex Gonzálezek. Argitaratu berri duen lan honekin arrakasta handia izango duela ziur nago.

Abeslari madrildar hau 1968ko abenduaren 18an jaio zen. 7 urterekin hasi zen gitarra jotzen. Azken disko honekin 13 CD argitaratu ditu. Lehena, Viviendo Deprisa, 23 urterekin. Ondoren etorriko ziren Si tu me miras (1993), Básico (1994), Alejandro Sanz 3 (1995), Mas (1997), Edic. Esp. GIRA 98 (1998), Best of Alejandro Sanz (1999), El alma al aire (2000), Alejandro Sanz (2001), El alma al aire (2001), MTV Unplugged (2001) eta No es lo mismo (2003), orain arteko azkena.

Abeslariak izugarrizko arrakasta izan du mundu osoan zehar: MTV sariak, Gramy sariak…Ez zaio sari garrantzitsurik falta!!

Ni Alejandro Sanzen zale naiz eta aitortu beharrean nago azken single-a, A la primera persona, izugarri gustatu zaidala. New Yorken grabatuta dagoen bideo honetan, gainera, Paz Vega aktorea ikus dezakegu.. Hementxe daukazue: